მესამე დღის რეფლექსია

ესგ-ს სტანდარტებზე დაყრდნობით, უკვე ჩამოყალიბებული იდეის შესაბამისად,  ჩამოვაყალიბეთ,თუ რას შეძლებენ მოსწავლეები ამ პროექტის განხორციელებისას.
ვიმუშავეთ შაბლონზე, შევიტანეთ შესაბამისი ინორმაცია, ვიმუშავეთ ბუკლეტზე.
გავეცანით კოლეგების მიერ ჩამოყალიბებულ ამოცანებს და მივაწოდეთ შესაბამისი
კომენტარები.

მოსწავლეთა ამოცანები/ სწავლის შედეგები
მოსწავლეები შეძლებენ:

•    მოიძიონ ინფორმაცია ინტერნეტით ჰაერის დაბინძურების შესახებ; 
•   მოძიებული ინფორმაციის მიხედვით განსაზღვრონ ჰაერის დამაბინძურებელი ნივთიერებები, მათი წარმოშობის წყაროები, მოახდინონ კლასიფიკაცია  და წარმოადგინონ ცხრილის სახით;
•  გააცნობიერონ, რა ზიანს მოუტანსცოცხალ სამყაროს დაბინძურებული ჰაერი ("მჟავა წვიმები", "ფოტოქიმიური სმოგი", "ოზონის ხვრელი", " სათბურის ეფექტი") 
• ჩაატარონ ექსპერიმენტი, მოახდინონ დაკვირვება, ანალიზი, გამოიტანონ დასკვნა და შეიმუშაონ რეკომენდაციები ჰაერის დაბინძურების შესამცირებლად;
• იმსჯელონ ენერგიის არასტანდარტულ წყაროებზე, მის დადებით და უარყოფით მხარეებზე;
• მოამზადონ პრეზენტაცია აუდიტორიასთან წარსადგენად..

ბუკლეტი

        პროექტებით სწავლება ეხება რეალურ ცხოვრებისეულ პრობლემებს, რომლებიც თვით მოსწავლეებმა უნდა გადაჭრან. პროექტებით მუშაობა მოსწავლეებს  აძლევს საშუალებას დააფიქსირონ საკუთარი პოზიცია და მიიღონ გადაწყვეტილება ანუ გამოიყენონ მაღალი სააზროვნო უნარები, განივითარონ შემოქმედებითობა და დამოუკიდებლობა.

მეორე დღის რეფლექსია

               მოლოდინით მოვდივარ,რომ  ვისწავლი ბევრ ახალს, რომელიც დამეხმარება შემდგომ მუშაობაში მოსწავლეებთან.
                მოლოდინი გამართლებულია-ვსწავლობთ, თუ როგორ დავიწყოთ მუშაობა პროექტზე, როგორ ჩამოვაყალიბოთ იდეა და მისი შინაარსი. ვისწავლეთ, როგორ გავამზადოთ ბუკლეტი. ტრენერი, ქალბატონი ლალი, საქმის ცოდნით უძღვება ტრენინგს და გვეხმარება, რომ ჩვენს მიერ დაგეგმილი პროექტი, რაც შეიძლება, კარგი გამოვიდეს.

პროექტის იდეა

                          სუფთა ჰაერი ჩემი უფლებაა, მისი დაცვა -მოვალეობა!!!


                დაბინძურებული ჰაერი პირდაპირ ან ირიბად ზემოქმედებს ბუნებაში ნივთიერებათა ცვლის პროცესზე, ნიადაგსა და წყალზე; ზემოქმედებს ადამიანთა ჯანმრთელობაზე. ჰაერის დაცვა დამაბინძურებელი ნივთიერებებისაგან თითოეული ადამიანის მოვალეობაა.
                 მოსწავლეები ინფორმაციას ჰაერის დამაბინძურებელინივთიერებების, მათი წყაროებისა და გარემოზე მავნე ზემოქმედების შესახებ  მოიძიებენ ინტერნეტით და შესაბამისი ლიტერატურის გაცნობით. გაანალიზებენ მოპოვებულ მასალას; მოახდენენ დამაბინძურებელი ნივთიერებების წყაროების კლასიფიკაციას; ჩაატარებენ ზოგიერთ ექსპერიმენტს. გააკეთებენ გასკვნას, რას უქადის კაცობრიობას დაბინძურებული ჰაერი. დასახავენ ალტერნატიულ გზებს ჰაერის დაბინძურების შესამცირებლად.
              პროექტს წარმოადგენენ პრეზენტაციით..